  |
    |
又過一年啦~
咁快又到9月...過左生日之後又就到中秋lu..
今年生日我都無大搞, 只係同朋友食餐飯, 不過平淡原來都有平淡既好, 因為大家都食得好開心, 傾得好開心好自然, 呵呵(重有禮收添wo)....幾好幾好~
人大左就會覺得平淡都未嘗唔係一件好事, 只要身邊既人個個都開開心心快快樂樂就已經足夠, 亦明白到每一個人對你好都唔係"必然", 並知道"知足"就會嘗樂。
講番今次生日我都收左唔少禮物架, 收禮情況如下:
第一) 一隻金介
第二) 利是一封
第三) 利是一封
第四) 利是一封
第五) 男裝香水一支 / 頸鏈一條 / 耳環一對
第六) 特式音樂盒
第七) 3色K金手鏈一條
第八) 性感泳衣一件(唔比你地睇)
第九) SAMSUNG最新款電話一部
重有就係好多人既SMS, 真係多謝哂你地丫....
最近我覺得自己.....經常會為將來"想了很多事情出來"
例如....將來既生活 / 將來既結婚對象 / 將來既路等等........
其實我經歷過的事情雖然不是太多, 但我知道這些經歷是我一生中不會忘記的...
最深刻的是:
曾經面對過最純潔既初戀教訓, 因為小時候貪玩, 而令到對方受到傷害, 長大之後覺得好後悔, 我不應該玩弄感情。
曾經失去一個真正屬於初戀,應該是我最愛既人, 這個人是我由小學已經認識, 但到了中學時候才開始拍拖, 拍了兩年左右, 他們全家要搬往美國(即係移民) 所以之後結束了此段關係。
曾經為了男朋友與家人不和, 這段期間真係好唔開心/好痛心。
曾經被朋友出賣, 認識了她已經很多年(中學時代), 最終我對她失去了信心, 也令我對朋友有了介心, 唔會輕易相信人。
曾經對深愛既人失去希望, 有時候我明知道為的只是很少很少的事情, 但偏偏自己既固執硬頸, 而不肯去低頭, 覺得對方既態度如果不改的話, 將來如何相處呢?....難道要我這樣忍下去嗎??
好耐我都無update個bolg啦,,,,親我今日有少少時間可以update下....
等我講下我既近況先,,最近我又轉左新工啦..就係今個月頭岩岩轉既...
lee份工同我之前份工都有很大分別, 分別在於無咁大壓力, 即係話放工後既時間就唔需要再去諗工作上既野, 對比起之前既實作係有好大分別, 因為之前果份就算係放左工都重要去想"有咩未追, 有咩未問, 有咩未搞, 有咩要先做, 有咩要安排", 所以我覺得依家真係好好多,,起碼自己個腦唔會無時無刻都想著工作。
而同事方面, lee間公司有好多好nice既同事, 佢地都好好人, 好肯去幫我教我, 雖然到依家為止我都重未同個個都熟, 可能我份人慢熱啦....要慢慢warm up..
重有一樣野我覺得幾好既, 就係可以多d練習國語, 因為我公司係大陸有一間廠, 而上面既跟單同事都係用國語溝通的, 所以我覺得現在可以多聽多講, 之後就可以變得好流利lu......正
另外, lee份工都可以比我再認識到, 原來好多野自己做左咁多年跟單都未必有機會見到, 因為我每星期都要上一次大陸做野, 而每次我都會落車間睇下佢地既進度, 又或者看看各部門的生產情況, 這點雖然以前都有機會去睇, 但機會不多, 所以我覺得lee份工對我黎講真係有新野比我去學去試......
我知道我會努力去做好它
到今日為止我已經正式係LEE間新公司做左7日啦......真係話咁快就過丫,,可能因為有好多野做既關係啦..所以時間特別快過....
你問我習唔習慣LEE種工作呢? 答案係"還可以啦"
點解我會答得咁無零兩可呢? 原因係一開始我就已經要跟成百幾款辦.......可想言之你話我點會唔覺得時間快過丫...有好有唔好啦...好既方面就係覺得自己好有用d感覺好實在,起碼唔會好似之前果份工咁"運運鱷鱷", 唔好方面就係要太集中精神去記野去做野, 又要OT到7至8點...令到個人做完野返屋企..係會成個人軟哂好累...同埋真係可以即時瞓得著..不過..好彩我家姐係同我一齊做既...所以有咩問佢..佢都可以答到我教到我...但係有時我見佢重忙過我, 咁既時候就唔好意思再打擾佢, 咁就唯有靠自己去做好佢..講真我家姐真係幫左我好多..所以我想係lee度多謝佢...
lee份工雖然有好處有唔好處, 不過我點都會比心機去做好佢..........因為我知道人如果努力, 就會得到應有既回報.......而我只要係盡左力...就自然過得到自己過得到人......或者到頭來老闆覺得我唔適合lee份工,到時我都心甘命抵.......起碼自己當初已經盡左力, 唔岩都無辦法...所以呢.......
人人都應該要比心機, 同埋心存一個理念.....就係"我一定要做好lee份工"
琴日我已經遞左辭職信.....
因為我老闆下午出左去見客, 所以我就將封信放左係佢枱面......
今朝返黎我就已經比佢捉住問我咩事,,,係咪做得唔開心丫?...咩原因辭職丫? 咁我就用左一半岩一半錯既藉口答佢...第一,人工低,因為我比自己個target最少都要有xxxxx啦, 而家成日都唔過我心目中既數, 點做丫.....第二,每日既朝早都無人買野無人入黎睇..覺得好悶好辛苦(覺得有一種好無用既感覺).....第三,想搵一份返5日既工, 因為我報左星期一至五都要返學, 所以會好辛苦, 唔想返六日.......當我講左lee d藉口之後, 佢就好快咁答我...咁好易解決姐......
之後佢就叫左我入房, 第一...我決定加你人工...連埋佣金連埋底薪每個月最少都有你心目中既數再加多$500, 如果你既生意額做到最高d既..就照計返比你, 不過就要由原本你得到既人工減1千, 即係話如果你份人工有$16000既就減返$1000即只得$15000...lee條數就要黎填補番之前既...第二...你話無野做..我根本一路以黎都係錫住你...唔敢比野你做..如果你真係願意留低我就大把野比你跟...第三...你想返5日..lee樣野就唔可以幫到你..不過你星期六可以返下午(半日), 咁你就可以瞓晏d返晏d啦(星期六)...你重可以選擇星期一至五返9:30放6:00或者返9:00放5:30添... 當時我真係唔好意思再講d乜...不過佢就講, 因為而家好難請人...你又咁岩我地公司既要求, 又幫到手, 又細心...所以真係唔想你就咁放棄....
當然你可以選擇你既決定...不過如果你想做返跟單既話, 你又可唔可以準時收工先...可唔可以話返幾點就幾點先...重有就係"香港跟單"其實好多都已經唔太多...好多都已經上哂大陸開公司..直接由大陸人接手跟..根本就無前途架..但係做sales就唔同啦...你有機會搵錢有機會見多d人學多d野丫..重要你亞頭都會做埋lee兩個月就唔做架啦...佢都想退落黎"退休"咁到時你就可以獨當一面啦...依家我已經請定人幫你..因為始終showroom一個人係唔得既..所以請多個人幫下你手...咁你點諗丫?? 我當時既反應就係..真係未諗到想點同點答佢..所以我就話"咁你比我諗下先啦"....
講到lee度我真係要用心考慮一下....以上既條件一部份合乎到我既要求, 但係我又問自己我究竟想繼續做sales(有機會搵多d)定係想穩穩定定做返文員呢???
前兩日我其實出左去見一份工...
係新蒲崗做MERCHANDISER,人工都合乎到我既要求...不過如果初初入到去做就無咁高人工...要睇表現先有得加...LUNCH果度包埋....有13個月糧....放紅日假....果日位女士都好好傾架傾左成9個字以上, 但係因為我係第一個入去見工....所以佢要再見多幾個人先....但係都應該OK(我覺得)..
SO,,,,我依家就係煩緊...我究竟點揀好呢???
返新工好定做返舊工好呢??如果依家唔轉..之後就無咁工請人架啦...
真係好矛盾丫....
16號一早就要起身啦.......
因為要趕住去報名>>>>"報咩名...咪就係去搞埋最後果5科囉......
本來諗住8點幾去到,,,,就唔怕會報唔到啦...點知自己又唔生性...起唔到身...搞到差唔多9點先到....去到都已經打埋蛇餅...坐底起碼有4百幾人排緊隊...一見到咁,,自己個心已經好驚好驚...因為一心諗住要一次過讀埋佢..唔想再等..所以一見到咁多人個心已經沈左一沈....
原本9點報名, 等到10點半先至攞到籤... 跟住再要排到3至4點先可以正式入去城大報名...排完之後我重要飛奔返公司...因為果日我要返半日既...我只係請左2個鐘頭假去報名...好彩岩岩11點返到去....而我1點放工後又要再飛奔返去..初初諗住早到可以早報..點知原來都要排號碼...即係話就算你早到, 都唔可以入去報名住...要等埋係你前面號碼既人先至到你... 咁樣既情況下..我個心當時真係又再沈多幾下...不過都無辦法,,,唯有就同我個朋友去左食D野...一路食一路等.... 食左一陣我地又再返去等....坐低等緊既時候, 有職員不時o係板上面寫已經滿左既班號碼上去....當每時睇到佢地寫,,自己個心就驚一驚...怕係自已揀既班, 點知真係有一科我揀既班滿左...好彩到最後我都總算可以報得齊5科....重要係我地報完....無幾耐之後就宣佈我揀既其中兩科學位已經滿哂啦....真係好驚險丫..
好慘丫...
因為我有個好朋友買左一隻雪橇狗仔"係大陸", 點知過左兩星期左右就開始病............原來佢唔係普通既病,,,,,而係狗瘟..
狗瘟據我所知係無藥可醫...最多只係可以靠狗既生命力來堅持, 如果狗本身係唔夠抵抗力身體比較弱既就一定會死, 但係有少部份都可以繼續生存落去...不過真係好少好少部份可以....
當我知道左之後都好擔心, 一來擔心我朋友二來擔心佢隻狗仔...但係我就咩都做唔到幫唔到佢..最多只係幫佢了解下狗瘟有咩可以幫隻狗做...有咩唔可以對隻狗做...(包括一定要比多D水佢飲唔可以令佢缺水...唔可以做就係"唔可以同佢沖涼".......)
我同我朋友傾過點樣可以解決會好D....而我就提意佢有無諗過比佢安樂D咁走(只係一針就搞掂), 唔好等佢咁辛苦...
因為我聽佢講狗仔就算食完野一定會嘔, 手腳開始無力就算連行都行唔到, 亦開始抽筋, 手腳都陣哂....而我朋友每一晚都不眠不休咁去睇住佢照顧佢....所以我唔忍心睇住我朋友咁樣..而提出LEE個主意..
但當我提出之後, 我朋友就話"我真係唔忍心丫"......見到佢都無放棄過自己, 一直好努力好努力咁要生存...因為佢見到狗仔就算明知自己食完野一定會嘔返出黎佢都一定會食, 同埋就算佢手腳無力都要撐上盤柯屎柯尿.... 咁樣就可以証明佢都唔想放棄...所以我朋友就更加想救返佢.......希望佢地都可以健健康康啦......
